യൂറോപ്പ് യാത്ര 3 : ബ്രസ്സത്സ് – ബെല്ജിയത്തിന്റെ തലസ്ഥാനം

പള്ളിയുടെ ഗോപുരം

പള്ളിയുടെ ഭിത്തികള്‍
ബെല്ജിയം യൂറോപ്പിലെ താരതമ്യേന ചെറിയ ഒരു രാജ്യമാണു. പലപ്പോഴും മറ്റു രാജ്യങ്ങള് തമ്മില് നടന്ന യുദ്ധത്തിന്റെ കെടുതികള് അതില് പങ്കു കൊള്ളാതെ തന്നെ അനുഭവിക്കേണ്ടി വന്നവര്. ബ്രസ്സത്സ് ആണു ബെല്ജിയത്തിന്റെ തലസ്ഥാനം. സാമ്പത്തികമായി മുന്നോക്കം നില്ക്കുന്ന യൂറോപ്യന് രാജ്യങ്ങളില് ഒന്നാണു ബെല്ജിയം. ജി ഡി പി താരതമ്യം ചെയ്യുമ്പോള് ഭാരതത്തിലെതിനേക്കാള്‍ ഏകദേശം 60 ഇരട്ടിയിലധികം ആണു ബെല്ജിയത്തിന്റെതു. 25% ഇലധികം ആള്കാറ് വ്യവസായത്തിലും 74.2% സെറ്വിസിലും ആണു. കൃഷിക്കാറ് 2% മാത്രം. തൊഴിലില്ലായ്മ 7% ഇല് കുറവു. ഫ്രാന്സില് കൂടി ഞങ്ങളുടെ യാത്ര ബ്രസ്സത്സിലേക്കാണു.
യൂറോപ്യന് യൂണിയന്റെ സ്ഥാപകാംഗങ്ങളില് ഒന്നാണു ബെല്ജിയം. ഇന്നു യൂറോപ്യന് യൂണിയന്റെ ആസ്ഥാനവും ഇന്നു ബ്രസ്സത്സ് തന്നെ. ബെല്ജിയം ഒറ്റനോട്ടത്തില് ഒരു പഴയ നഗരമായി തോന്നാം കെട്ടിടങ്ങളുടെ ശില്പരീതിയും മറ്റും നോക്കിയാല്. പഴയ ഗ്രീകോറോമന് രീതിയില് ആണു കെട്ടിടങ്ങളില് പലതും. നഗരത്തിന്റെ ഹൃദയഭാഗത്തില് തന്നെ ( Grand Place) ഒരു വലിയ പള്ളി (St.Michaels church)ഉണ്ടു. അതിന്റെ ഗാംഭീര്യം കാണേണ്ടതു തന്നെ. ചുവരിലെ കൊത്തു പണികളും സുവറ്ണനിറത്തില്ഉള്ള പ്രതിമകളും ഭംഗിയുള്ളവ തന്നെ. കഷ്ടിച്ചു ഒരു മണിക്കൂറ് മാത്രമേ ഞങ്ങള്ക്കു കാണാന് ഉള്ളൂ. ബസ് പാറ്ക്കു ചെയ്യാന് വയ്യാത്തതു കൊണ്ടു അതു തിരിച്ചു കൊണ്ടു വരുമ്പോള് എത്തിക്കൊള്ളണം എന്ന ഗൈഡ് പറഞു എല്ലാവരെയും ഓറ്മിപ്പിച്ചു. കൃസ്ത്യന് ദേവാലയത്തിന്റെ കുറെ ഫോട്ടോകള്‍ എടുത്തു. ദേവാലയത്തിന്റെ ഒരു വശത്തായി മേരി യുടെയും ഉണ്ണി ഈശൊയുടെയും പ്രതിമകള് ഉണ്ടു. ആള്ക്കാര് ഇതിനെ തൊട്ടു വന്ദിക്കുന്നു. ഇടുങ്ങിയ തെരുവുകളാണു. രണ്ടു വശത്തും കടകള് തന്നെ, ചോക്കലേറ്റും കൌതുക വസ്തുക്കളും. പ്രത്യേക രീതിയില് തുന്നിയ ലെയ്സുകള് ധാരാളം കണ്ടു, കൈതുന്നലില് ചെയ്തതാണു. അതു കൊണ്ടു വില വലരെ കൂടുതലാണു. എന്നാലും വളരെ ഭംഗിയുള്ളവ.



മേരിയും ഉണ്ണി ഈശോയും
കൂറച്ചു കൂടി മുന്‍പോട്ടു നടന്നപ്പൊള് ഒരു ചെറിയ കുട്ടി മൂത്രം ഒഴിച്ചുകൊണ്ടിരിക്കുന്ന പ്രതിമയുടെ മുന്പില് എത്തി. മാണിക്കന് പിസ് ( മൂത്രമൊഴിക്കുന്ന ചെക്കന് എന്നറ്ത്ഥം) എന്നറിയപ്പെടുന്ന ഈ പ്രതിമ ബെല്ജിയത്തിന്റെ ഒരു ചിഹ്നം ആയി തീറ്ന്നിരിക്കുന്നു. ഒരു സാധാരണ ചെക്കന് കുറച്ചുയറ്ന്ന സ്ഥാനത്തു നിന്നു കാര്യം സാധിക്കുന്നു എന്നേ തോന്നൂ. ജലധാരയില് കൂടി അത്ര മാത്രം വെള്ലമേ വരുന്നുള്ളൂ. അതിന്റെ മുന്പില് നിന്നു ഫോട്ടോ എടുക്കാന് വലിയ തിരക്കു. ഈ പ്രതിമയെപറ്റി പല കഥകളും ഉണ്ടു. ഒന്നു വളരെ പണ്ടു ബ്രസ്സത്സ് നഗരത്തെ ആക്രമിക്കാന് ഒരു പ്രഭുവും പട്ടാളക്കാരും അവിടെ എത്തി. നഗരവാസികള് കുറച്ചു സമയം ചെറുത്തു നിന്നു. നേരിട്ടു യുദ്ധം ചെയ്തപ്പോള് അവരുടെ പ്രഭുവിന്റെ കുട്ടിയെ ഭാഗ്യ ശകുനമായി ഒരു കുട്ടയില് മരത്തില് തൂക്കി ഇട്ടു, അവറ്ക്കു പ്രചോദനത്തിനായി. ആ കുട്ടി അവിടെ കിടന്നു മൂത്രം ഒഴിക്കുകയും ശത്രുക്കള് പരാജയപെടുകയും ചെയ്തുവത്രേ. മറ്റൊരു കഥയും യുദ്ധ സംബന്ധമാണു. ബ്രസ്സത്സ് കീഴടക്കാന് വന്ന ഒരു സൈന്യം കോട്ടയുടെ ചുറ്റും വെടിമരുന്നു വച്ചു തകറ്ക്കാന് ശ്രമം തുടങ്ങി. ഇതു ഒളിച്ചു നിന്ന ഒരു ബെല്ജിയന് കുട്ടി ശത്രുക്കള് വച്ചു പോയ വെടിമരുന്നിന്റെ പുറത്തു മൂത്രം ഒഴിച്ചു അവ പ്രവറ്ത്തനരഹിതമാക്കി എന്നാണു. വേറൊന്നു ഒരു ധനികനായ പ്രഭു ബ്രസ്സത്സില് സന്ദറ്ശനത്തിനായി എത്തി. തിരക്കിനിടയില് തന്റെ മകനെ കാണാതായി. കാണാതായ തന്റെ മകനെ കണ്ടെത്താന് നാട്ടുകാരുടെ സഹായം അഭ്യാര്ത്ഥിച്ചു. അവര് വളരെ വേഗം തന്നെ നഗരത്തിലെ ഏതോ നിരത്തിന്റെ മൂലയില് മൂത്രം ഒഴിച്ചു കൊണ്ടിരുന്ന കുട്ടിയെ കണ്ടെത്തി പ്രഭുവിന്റെ അടുത്തെത്തിച്ചു. പ്രഭു ഇതില് സന്തോഷിച്ചു അവറ്ക്കു പാരിതോഷികവും നഗരത്തില് ഇത്തരം മൂത്രം ഒഴിക്കുന്ന രീതിയില് ഉള്ല ഒരു പ്രതിമ സ്ഥാപിക്കുകയും ചെതു. നാലാമത്തേതു തികച്ചും വിശ്വസനീയമാണു. നാട്ടിന്പുറത്തുനിന്നു ഒരമ്മയും മകനുമായി നഗരത്തില് വന്നു. കുറച്ചു സമയം കഴിഞ്ഞു തന്റെ മകനെ കാണാതെ വിവശയായി. അവരുടെ നിലവിളി കേട്ടു നാട്ടുകാര് അന്വേഷിച്ചപ്പോള് ചെക്കന് ഒരു മൂലയില് ഇരുന്നു മൂത്രം ഒഴിക്കുന്നു. ഇതിന്റെ ഓറ്മ്മക്കു ഉണ്ടാക്കിയതാണു ഈ പ്രതിമ. കഥ ഏതായാലും പല പ്രാവശ്യം മോഷ്ടിക്കപ്പെട്ട ഈ പ്രതിമ ബെല്ജിയത്തിന്റെ ഒരു ചിഹ്നം ആയി തീറ്ന്നു. ഈ ബാലന്റെ പ്രതിമകള് ബ്രസത്സിലെ ഏറ്റവും കൂടുതല് വിറ്റഴിയുന്ന കൌതുക വസ്തുവും ആയി.

മനിക്കെന് പിസ്
മാണിക്കന് പിസിലേക്കു പോകുന്ന വഴിയില് ഒരു കടയുടെ മുന്പില് ബെല്ജിയത്തിലെ പ്രസിദ്ധ ചിത്രകാരന് ആയിരുന്ന വാന് ഗോഗിന്റെ ഒരു പ്രതിമ റോഡില് തന്നെ വികൃതമായി ഉണ്ടക്കി വെച്ചിരിക്കുന്നു. മുന്പില് ഒരു ചെറിയ പെട്ടിയും ഉണ്ടു. വാന് ഗോഗ് സംഭാവന പിരിക്കുന്നതു ആറ്ക്കു വേണ്ടി ആണൊ? വ്യക്തമായില്ല.

വാന്‍ ഗോഗ് തെരുവില്‍